Ioh pyllait im ki pulit ia laingut kiba shah rahbor, ioh kurup kawei ka pistol na ki nong rahbor

Shillong: Ha ka 5 tarik u nailur 2020 ki pulit jong ka Dadenngre Police Station ki la ioh jingtip ba 3 ngut ki briew ki la shah rahbor ha ki briew bym ithuh satia, bad hadien kane ka jingioh jingtip, ki kynhun jong ki pulit hapoh ka jingialam jong u Superintendent of Police ka West Garo Hills, ki la ioh ban pyllait im ia kine ki laingut ha ka miet jong ka 7tarik Nailur 2020 na ka khlaw kaba rben kaba hap hapoh ka Magalpara-Kantanagre bad ki la ioh kem artad ia laingut kiba donkti ha kane ka kam rahbor.

Ha ka jingtalasi, ki pulit ki ioh ban kurup ia kawei ka pistol kaba la shna lade bad la pynngat ia ki ha case hapoh ka Dadenggre Police Station bad ka jingtohkit ka dang iaid shakhmat ban lap ia ka daw halor ka jingdonkti jong ki ban rahbor ia kine ki laingut.