Shillong: U Dr Mukul Sangma u ba dei u nongialam jong ka liang pyrshah hapoh ka ïingdorbar thawaiñ ka jylla, u la buh ka jingkylli na u Myntri Rangbah ka jylla, u Conrad K Sangma ba haduh katno ngut ki MLA bad ki Minister jong ka Sorkar jylla ki la ioh ban pdiang ia ka shithi dawa pisa bad u la ong ba dei hangta ba yn sa tip shisha ba kane ka jinglong jingman ha ka jylla ka long kaba eh, hynrei u la ong ruh ia kata ka bynta um kwah ban ong eiei bad u la ong pat ba ia kane ka jubab, ki nongthoh khubor, ki dei ban pan na u Myntri Rangbah ka Jylla, u Conrad K Sangma.
U Dr Mukul u la ong ruh ba hato u Myntri Rangbah ka jylla u nud ne em ban ong ba ka jinglong jingman ha ka jylla ka biang bad kam lei lei. U Dr Mukul Sangma u la ong ruh ba ka dei ka kamram jong ki nongialam baroh ban pyntikna ba ka jylla kan nym poi shaduh u pud ban wanrah jingeh bad ba nym pynduh jingkyrmen ia ki samla ka jylla haduh ba kin da kylla bitar.
U Dr Mukul u la ong ruh ba ka jingdawa na u Myntri Rangbah ban khot kyrkieh ia ka jingialang jong ka State Community Mission, ka dei, namar ba don bun kiei kiei ki daw, hynrei u Myntri Rangbah u khlem shym la ai jubab eiei satia bad kane ka jingleh ka jong u ka jingpyni ia ka jingbym don ka jingsngewkhia lada don kino kino ki jingjia ha ka jylla.
Phi don ban ong eiei?