Ioh pang khlam covid u myntri ka sorkar India, khlad U MP

U Nitin Gadkari, myntri ka sorkar India, ula iathuh ba ula ioh pang khlam corona virus bad mynta, u dang shong kyrpang ialade. “Hynnin ka sngi, nga sngew tlot bha ialade bad nga leit sha u doktor. Ha ka jingpeit bniah, la lap ba nga don ia ka khlam corona 19. Mynta nga trei hi, ia la ka jong ka kam bad nga dang shong kyrpang ialade”. U Gadkari, u ong ruh ba kito kiba lah ia kynduh ia u, ba ki dei ban shong kyrpang ialade.

Ha kawei pat ka khubor, la iathuh ba U Balli Durga Prasad, U MP Lok Sabha, na ka seng YSR Congress na Tirupati, ula khlad noh mynta ka sngi, na ka jingpang corona virus bad u don ha ka jingshah sumar ha Chennai.