Ioh pang khlam covid sa ka lok u doktor bad u heh ka CBI

Shillong: U Director ka tnad ka koit ka khiah u Dr Aman War, u iathuh ba mynta ka sngi, 37 ngut ki briew kiba la test covid positive ha ka jylla, ha East Khasi Hills District 23 ngut, ha Ri Bhoi District uwei, ha East Jaintia Hills District uwei ha South Garo Hills District uwei, ha North Garo Hills District uwei, ha West Garo Hills District 10 ngut.

Haba batai shai shaphang kine kiba la test covid positive mynta ka sngi, u Dr War u iathuh ba ha East Khasi Hills District, na ki 23ngut kiba la test covid positive ki kynthup ia ki 2 ngut ki Arm forces, 9 ngut ki shipai BSF bad 12 ngut ki riewpaidbah.

U Dr War u la iathuh ba uwei u dei nongap pang ha Robert hospital, uwei u dei nongtrei jong ka NEIGRIHMS hospital, uwei u dei u CBI Inspector na upper Mawprem 2 ngut ki dei ki ba ap pang ha Civil hospital, 3ngut ki dei ki high risk contact na NEIGRIHMS hospital bad kine ki dei na Mawlai Nongkwar, iwei I dei I lok jong u Doctor uba dang pule ha Nazareth hospital, 2 ngut ki dei ki ba wan phai na shabar jylla.

Na Ribhoi District uwei u ba test covid positive u dei ba wan phai na Assam, East Jaintia Hills u dei u ba wan phai na Assam, na south Garo Hills District u wei u ba test covid you u dei na wan na shabar jylla, na North Garo Hills District uwei uba test covid positive u dei u nongniah Ambulance ha Harputa PHC ,West Garo Hills 10 ngut ki dei ki Shipai BSF.

Ha ka jylla haduh mynta ki briew kiba don ia kane ka jingpang ki long 656 ngut, ha East Khasi Hills District 445 ngut, ha RiBhoi District 93 ngut, ha West Khasi Hills District 3 ngut, ha south west Khasi Hill District uwei, ha West Jaintia Hills District 16 ngut, ha East Jaintia Hills District 6 ngut ha West Garo Hills District 22 ngut, ha South Garo Hills District 2 ngut, ha North Garo Hills District 5 ngut bad ha South West Garo Hill District 3 ngut.

Ki briew ki ba la ioh jingkoit pura ki long 517 ngut kynthup ia ki 7 ngut ki ba la koit mynta ka sngi. Ki sample ki ba ladep ban phah test ki long 42,084 tylli kiba long negative ki long 40,611 tylli bad ki result kiba dang ap ki long 294 tylli.