Shillong: Napdeng ki saw ngut kiba ioh ia u COVID-19, la shem ba iwei I longkmie I ba armet I la ioh lang ia une u khniang jingpang ha Dr H Gordon Robert Hospital.
U Director jong ka Health Services (MI) Dr Aman War u la iathuh ba ine I longkmie iba armet I dei iba shah bat ha hospital na ka bynta ban kha khun.
“I la ioh ia une u khñiang jingpang hadien ba I la khie shit bad jyrhoh rkhiang”, la iathuh I Dr A. War.
U la iathuh ba ia ine I longkmie la buh ha ka isolation ward jong ka hospital.
La iathuh ba katei ka longkmie, ka dei kaba na Rikhein, ha Mairang, West Khasi hills District. Halor katei ka jingjia, la khang shwa ia ka Holy Cross Hospital, ha Mairang, na ka bynta ban pynkhuid ia katei ka jaka, kaba dei ka jaka, kaba ka la leit shah sumar katei ka longkmie, ha shwa ba kan leit sha Robert Hospital. Ka jingwad ka dang iaid, naei ba katei ka longkmie, ka leit ioh ia katei ka jingpang iabit Corona.
Phi don ban ong eiei?