Kiba pang Covid 19 mynta ka sngi, ki don 508 ngut bad sa kiba iap, ki don 13 ngut bad mynta kiba ioh pang coronavirus, ki la poi sha ka 4,789 ngut ha India bad na kitei ki don 4,312 ngut kiba dang shah sumar bad sa 353 ngut kiba la jem bad 124 ngut kiba iap, ong ka khubor jong ka tnat ka koit ka khiah ka sorkar India.
Ha United Kingdom, kiba iap mynta ka sngi, ki long 854 ngut bad baroh kiba iap, ki la poi sha ka 6,227 ngut.
Ka NHS England, ka pynthikna ba ki don 758 ngut kiba iap bad nangta sa kiwei pat kiba iap ha Scotland, Wales bad Northern Ireland ki don 96 ngut.
Ha Scotland, ki don 74ngut kiba iap na katei ka jingpang ha ki 24 kynta ba ladep bad sa 19ngut ha Wales bad 3ngut ha Northern Ireland.
Hynnin kiba iap ha England, ki don 437 ngut bad kaba dei ruh ka sngi, kaba ka jingiap ka duna shibun eh.
U Boris Johnson, myntri rangbah duh ka England, u dang shah sumar mynta ha St Thomas’ Hospital ha London, hadien ba la leit rah ia u, hynnin ka miet bad la iathuh ba mynta, ula nang ioh bor bad ula ring bad pynhiar mynsiem hi dalade.
Phi don ban ong eiei?