New Delhi: 14 ngut ki doktor bad ki nos, ki la ioh ia ka jingpang ia bit coronavirus ha ka hospital ha Jahangirpuri, ha Delhi, ong ki lad khubor bad katei ka dei ka jing ioh pang iabit kaba bun tam ha kawei ka hospital ha Delhi. Haduh mynta, ki don 2,376 ngut kiba ioh pang ha Delhi, katba ka jingiap, ka la poi sha ka 50ngut haduh ka sngi palei.
Ka jingdon kiba ioh pang coronavirus ha Mumbai haduh hynnin ka sngi, ka la poi sha ka 4,000, da ka jingdon ki 478 ngut kiba dang shu ioh pang thymmai, katba kiba iap, ki la poi sha ka 168 ngut. Ka jingdon kiba ioh pang corona ha India, ka la poi mynta sha ka 23 hajar ngut bad kiba iap ki la kot sha ka 718ngut.
Ka jingiap ha Brazil, pat ka kiew da 407 ngut hynnin ha ka shisngi bad baroh kiba iap haduh mynta, ki la poi sha ka 3,313 ngut, katba ka jingiap ha United States, ka long 3,176 ngut ha ki 24 kynta ba la dep bad baroh kiba iap na katei ka jingpang ha katei ka ri, ki la poi sha ka 50,000 ngut, ong ka John Hopkings University.
Ka jingiap mynta ha ka pyrthei, ka la poi sha 190,549 bad baroh kiba ioh pang, ki la poi sha ka 2.7 million ngut.
Phi don ban ong eiei?