Ioh pang corona U Mukul bad ka kurim jongu

Shillong: U Mukul Sangma, nongialam liang pyrshah bad ka kurim jongu, ka Dikanchi D Shira, ki ioh jingpang covid naduh hynnin ka sngi.

U Mukul Sangma, u thoh ha ka twitter jongu, ba ma u bad ka kurim jongu, ki ioh ia katei ka jingpang covid 19. U Sangma, u iathuh ba baroh arngut ki ia koit ia khiah, wat la ki don ki dak ki shin kiba pynpaw malu mala, ba ki don ia katei ka jingpang covid 19. U Sangma, ula ai jingmut ruh ia kito ki la ia kynduh ha ki khyndiat sngi ba ladep, ba kin phah test ialade.