Ioh pang Corona, ka nongrwai bollywood, khang ia ka hotel ha UP

Ka Taj hotel ha Lucknow, kaba ka leit sah miet ka Kanika Kapoor, ka nongrwai ba khraw ka bollywood, kan khang noh shipor naduh mynta ka sngi, haduh ban da pynbeit da kumwei pat, ong ka hukum na U District Magistrate.

Ka Kapoor, ka ioh ia ka jingpang Corona, hadien ba ka wan phai na United Kingdom bad ka leit sah miet ha katei ka hotel.

Ka Kanika Kapoor, kaba paw bha ha ki jingrwai jongka, kum ka Baby Doll and Da Da Dasse, ka iathuh ba ka wan phai na London, la shiphew sngi mynshwa bad ka la sdang khieshoh, la saw sngi eiei mynta bad haba ka la phah test, ka la tip, ba ka ioh ia ka jingpang Covid-19.