Shillong: Ka Meghalaya Cricket Association U-14 Inter District Tournament kaba la ioh ban pynmih madan ia ki kynhun kiba na ka zone 1, la ioh ban sakhi ia ka jingjop jong ka Shillong Cricket Association bad ka East Jaintia Cricket Association kaba la iakhun ha Nongpoh mynnin ka sngi. Katba ha Mendipathar pat kiba la ialeh mynnin hi ka sngi, ha kaba ki kynhun na ka zone 2 kiba lah poi sha ka round kaba lai, bad kiba la ioh ia ka jingjop ha kane ka sngi ki long ka Tura bad ka North Garo Hills.
Ha ka jingialeh hapden ka SCA bad ka All Jaintia Cricket Association, ka SCA ka la jop da 10 wicket hadien ba ka la lah beh thong ia ka AJCA’s kaba la tied 86/10. U Maremdor Sutnga uba la tied bun duh da 36 run hynrei na ka daw ka jingshah rem noh u la duh ia ka nam Player of the Match ha u Ashish Kr Lohar uba la ioh 4/13. Ha kane ka jingbeh thong u Siddhart Saikia u ioh 34 bad u Rudra Pratap Singh u ioh 3 kiba la lah da kaba suk ban beh thong ia ka run ba la buh hakhmat da ka AJCA’s.
Ha kawei pat ka jinglehkai hapdeng ka Ri Bhoi bad ka East jaintia Hills, ka Ri Bhoi ka la tied 122/8, bad kiba la kamai bha na kane ka kynhun ki long u Sujal Roy 50 run, u Shan Tamang 2/17 bad u Bitu Lama 2/17. Ha ka jingpynphai pat na ka liang ka East Jaintia ki la lah ban tied 123/4 ha kaba u Bitu Lama u ioh 34 katba u Benedict Makdoh u ioh 2/29, bad da ka jinglah ban lehkai bha jong u Bitu Lama ha baroh ki liang u la ioh ia ka nam kum u Rang ialeh ba kynsai ha kane ka match.
Ka jinglehkai kaba ha Mendipathar pat la iohi ba ka Tura ka la jop da ka said pyrshah ia ka South Garo Hills kaba la tam tang da 2 run. Ha ka jingtied jong ka kylla step ka Tura ka la ioh ban tied 80/8 ha ki 20 over, bad na kine ki rang ialeh, u Agatchu Chetai u ioh 22 run katba u Jestbath D Shira bad u Dip Bijoy ki ioh mar 2 wicket. Ha ka jingpynphai na ka South Garo Hills ki la lah ban kamai tang 78/9 ha kaba u Chiangbo Marak u ioh 14 katba u Agatchu Chetai uba la ioh ruh ia ka namPlayer of the match u ioh 3/8.
Ha shuwa jong kane la ioh ruh ban sakhi ia ka jingjop jong ka North Garo Hills pyrshah ia ka East Garo Hills da 7 wicket, ha kaba ka EGH ka la tied tang 79 run, bad da kane ka NGH ka la lah ban beh thong tang ha ki 9.1 over bad da ka jingduh noh jong ki 3 ngut ki wicket. Ki nongkamai kiba hakhmat jong ka EGH ki long u Bumbumba N Marak 20 run bad u Tengrik Sangma uba la ioh ruh ia ka nam Rang ialeh ba Kynsai u ioh 4/10. Katba na ka liang ka NGH ki nongkamai kiba lah duh ki long u Rakseng Marak 28 run bad u Jeristho Marak u ioh 2/17
Phi don ban ong eiei?