Ioh kurup kynja ba T. 52 lak na thain Nongspung

Shillong, 25 Nailar:
Ki pulit bad ka tnad Custome ki la ioh kurup haduh 32 byrni u kynja na thain Nongspung jong ka East Khasi Hills uba shong dor la kumno kum no T. 52 lak.
Hadien ba la ioh jingtip hynne, ki pulit bad ki briew ka tnad Custome ki la hiar sha katei ka jaka ha ka por 12 baje ei ei mynmiet bad la lap na kawei ka jaka ha khlaw kaba la buh rieh ia u kynja haduh 32 byrni, bad ba khia kumba 1000 kilo.
Ki briew ka tnad Custom bad ki pulit ki la pynlong ia kane ka jingleit kurup hadien ba la ioh jingtip thikna ia ka jingdon jong ki briew kiba buhrieh kynja. Hynrei shwa ba ki pulit bad ki briew ka tnad Custome, kin poi ha katei ka jaka, ki briew kiba donkti ki la her krad noh na katei ka jaka.
Na ka tnad custom bad pulit ki dang tohkit ia kane bad shano ki thmu ban pyniaid iew.