Ioh kurup ki Custom 45,600 tylli ki dawai phensedyl

Shillong, 5 Nohprah:
Ki pulit ka tnad Customs Preventive Unit, Shillong ha kane ka sngi Palei ki la ioh kurup 45600 tylli ki bitor dawai
Phensedyl kiba shong dor kumba T. 54 lak ba la buhrieh ha ki tiar
khiew na kawei ka trok Tata truck (HR-63 A 6776) hajan Shillong.
Uwei u briew la kem halor kane ka jingjia.
Mynshem bnai, kum kane ka juh ka jingjia, la ioh kurup 24,000 tylli ki
bitor dawai Phensedyl ba shong dor T. 35 lak bad ha kane ka kam, uwei
u briew la shah kem. Ia kine ki dawai beain la thmu ban shalan sha ri
Bangladesh.
Ha kawei pat ka jingjia, ka Anti-Smuggling Unit ka Guwahati Customs Division ka la kurup ia ki ar tylli ki trok (HR. 65 — 7758 bad HR 65 8403) lem bad 1100 kg u kynja ba la buhrieh ba khia 16,800 kg ba shong dor T. 1.23 klur.
Ar ngut ki briew la kem halor kane ka kam.