Jowai: Ki shipai BSF kiba don ha Nongkhen BOP, ki la ioh ban kurup ar tylli ki masi dap na khappud kiba thmu ban shalan tuh sha ri Bangladesh da ki briew bym lah satia ban ithuh.
Ka khubor na ki BSF bad pulit ki la iathuh ba kane ka jingiohkurup ia kitei ki masi dap ka long ha ka 21 tarik u Iaiong ha ka por 2:30 mynstep katba ki shipai BSF ki dang iaid pahara ia u pud ka India bad Bangladesh.
Ia kitei ki masi la aiti sha ki pulit ha Dawki bad ruh ki pulit ki la ujor mukotduma katkum ka kyndon kaba 11 jong ka PCA Act bad la kyntu ia ki paidbah lada ki shah tuh masi ban wan ia kynduh ia ki pulit Dawki.
Ha kajuh ka por, na ka liang u SP ka West Jaintia Hills, u bah Lakador Syiem u la iathuh ba ki BSF kiba don ha Dawki bad ha Muktapur ki la ioh ban kurup haduh 301 tylli ki masi kiba thmu ban shallan tuh sha ri Bangladesh.
Na ka liang u SP u la kyntu ia ki riew paidbah kiba don ba jah masi ne shah tuh ki masi ba kin wan ia kynduh ia ki pulit ka Dawki Police Station.
Phi don ban ong eiei?