Ioh khusnam ka VDP Pongtung

Pynursla,7 Naiwieng:
Ka VDP Pongtung –Pynursla ka dei ka VDP kaba la ioh ia ka khusnam ba nyngkong eh na ka tnad pulit na ki thain Pynursla, la ai ia katei ka khusnam namar ka jinglah jong ki dkhot VDP katei ka shnong ban treikam bha. U SDPO ka Sohra ula ia thuh ba kitei ki VDP ki la leh ia ka kam ba bha eh ha ka imlang sahlang ha kaba ki la ioh ban kem ia ki briew kiba leh kam sniew bad ki la kurup ruh ia ki tiar ki tar na kita ki runar , bad kaba bha eh ba kitei ki VDP katei ka shnong ki la leh ka long ba ki la kem ia kitei ki briew bad aiti sha ki pulit khlem kano kano ka jingpynmynsaw, ong u SP haba ai jingiaroh ia ki VDP, Pongtung. Kum ka dak ka jingpynshlur ia ki kam ba bha jong ki , ki pulit ki la ai khusnam da ka setiphiket kaba la ithuh ia ka jingtrei bha jong ki ryngkat ruh bad ki shuki , bad kiwei pat ki tiar ba kin pyndonkam.