Ioh khusnam ka seng trei mon sngewbha na Tyrna

Shillong,
24 Rymphang:
Ka long kaei kaei ka ban sah jingkynmaw na ka bynta ki Samla jong ka Shnong Tyrna Mynta ka sngi namar ka jingioh ia ki ar tylli ki Khusnam ia kaba la tip kum ka ‘District Youth Club Award’ bad ha ka juh ka por ia ‘State Youth Club Award’ 2014-2015 na ka ophis jong ka Ministry of Youth Affairs and Sport Govt of India lyngba ka NYK Shillong. Ia kane ka Khusnam la sam mynta ka sngi ha ka jingplie ia National Integration Camp ba san sngi kaba la sdang naduh ka 23 haduh ka 27 tarik mynta u bnai ha ka Compus jong ka Megha laya Scout & Guide Campus Shillong ha kaba u Fedrick Kharkongor( IAS) Secretary of sports and Youth Affairs Govt of Meghalaya u la long u Kongsan ryngkat ka jingdon ryngkat lang u Sanjay Goyal Deputy Commissioner EKH District kum u Symbud Kong san bad kumjuh ruh da ka jingshngain jong ka jing don ryngkat lang u Supritendent of Police East Khasai Hills Bah Kharkhrang.
Ia ka Khusnam “State Best Outstanding Youth Club Award 2014-2015” la sam bad ai ia ka sertiphiket ryngkat ka song pisa kaba Shilak tyng T. 1 lak tyngka da u Kongsan u Fedrick Kharkongor( IAS) Secretary of sports and Youth Affairs Govt of Meghalaya sha ka Seng (NGO)Ka Tyrna Youth welfare and Development Society bad kumjuh ruh ia “Best District Youth Club Award 2014-2015” la sam da u Symbud kongsan Sanjay Goyal Deputy Commissioner EKH District ryngkat ka Certificate bad ka song pisa kaba T.25 hajar tyngka.
Kumban shuphai dien ka jingioh jong ka Tyrna Youth welfare and Development Society ia kitei ki khusnam na pdeng kiba bun ki Sengmontrei sngewbha (NGO) hapoh jong ka State Meghalaya ka long halor ka nongrim jong ka jinglah ban trei hok bad pyndep hok ia ki kam pynroi na ka bynta ki kam babha ha ka imlang sah lang bad ka roi ka par ha ki nongkyndong da kaba ia trei lang ryngkat bad ki shnat treikam bapher bapher jong ka sorkar. Ka Tyrna Youth welfare and Development Society naduh ba la seng ha ka snem 2003 bad ia kaba la register ha u snem 2008. Ka la leh bad pyrshang ban trei na ka bynta ka koit ka khiah, ka jinglehkhuid , ka jing sumar ia ka Mariang, ka pule ka dangle, ka roi ka par ha ki nongkyndong , ka kam jngoh kai pyrthei, ka kolshor, ki sports, Kam kyrpang na ka bynta ki Khynnah ki longkmie bad khamtam eh na ka bynta ka vocational Trainning Centre ia kaba la sdang naduh u snem 2013 bad dang neh ha duh mynta.Lah ban ong ba ka jingioh jong ka TYWDS ia ki tei ki khusnam ka long kum ka jing ai mynsiem na ka bynta ban nangtrei kham bha shuh shuh ha ki snem ki ban wan.