Ioh ring ki saiantis, ia ki radio signal, kiba pyni, ba don jingim briew shabar jong ka pyrthei

Ha ka jingshem kaba kyndit, ki saiantis, ki iathuh, ba ki la ioh pdiang ia ki radio signal, na ki met bneng, kiba don sha jngai bha bad kiba don shabar jong ka solar system.

Ka Dutch Low-Frequency Array (LOFAR), kaba dei ka tnat ba khlain tam, ban kem ia ki signal lyngba ka radio antenna, ki lap ba ki don ki khlur kiba don sha jngai bha, kiba phah signal sha katei ka lad kem khubor jong ka LOFAR bad katei ka pyni, ba ki don ki planet pleng kiba rieh noh, na kiwei ki planer, kiba don ha sawdong jong ka pyrthei.

U Dr Benjamin Pope, na ka University of Queensland lem bad ki paralok jongu, na ka Dutch national observatory ASTRON, ki la ioh ban ring ia katei ka radio signal bad la iathuh ba ki signal, ki wan na ki 19 tylli ki thymmei.
Lyngba katei ka jingjia, ka pynlong ia ki saiantis, ba kin ia duriap bha, ban wad jingtip, ia ka jingdon sa kawei pat ka jingim, sha lyndet jong ka pyrthei, lane kaba pyn thikna, ba u briew, um dei, ba u don tang uba im ha pyrthei.