Ioh kem ki pulit ia ar ngut ki nong Africa

Shillong: Ki pulit ka East Jaintia Hills ki la ioh ban kem ia ki ar ngut ki bar Ri ki ba dei ki nong Africa ha 14 tarik u kyllalyngkot 2020 ha ka por 12:30 mynstep na Umtyrnga.

Kine ki ba la shah kem ki dei ki ba la tip kyrteng kum u James obafor Omeya 32 snem ka rta bad u Paul chidiebare Nwoon 28 snem ka rta.
Ia kine arngut la ioh ban kem na kawei ka bus night super ka ba don ia u number AS-01-HC-9034 ka ba wan na Agartala bad thmu ban leit sha Guwahati.
Ka jingshahkem ia kine ka long halor ka jingbymdon ia ki kot ki sla ki ba tikna ba ki wan rung sha ka ri india.
La buh ia ka ejahar ia ka ne ka case ha Khliehráat PS bad ka jingtohkit a dang iaid shakhmat.
Kum ban shu pynkynmaw ka tnad jong ki pulit East Jaintia Hills ha kine ki 4 bnai ki la ioh ban kem haduh 24 ngut ki bar Ri ki ba wan rung khlem da biang ki kot ki sla.