Ioh kem ki pulit ia 3ngut ki nongtuh kali na khappud Assam

Shillong: Ki pulit jong ka West Garo hills, ki la ioh kem ia 3ngut ki nongtuh kali, kiba ju pyniaid bad pynkylla ia ki kot ki sla jong ki kali, ba ki ju ioh tuh na khappud ka Assam bad ka Meghalaya.

Na kitei ki nongtuh kali, la ioh kurup ia 3 tylli ki lap top, 3 tylli ki mobile phone, 12 tylli ki ATM/debit cards, 252 PVC cards, kawei ka motor bike, ki laisen niah kali, ki kot kali ba shu thaw thok lem bad kiwei de ki kot ki sla.

Haduh mynta, ki pulit, ki la ioh kem ia 114 tylli ki kali tuh bad la ioh kem ia 48ngut ki briew, kiba donkti ha kitei ki kam bad la ioh sa ka kuna kaba T.22lak.