Ioh kem ki pulit, 9 tylli ki trok ba pynkhein hukum NGT

Jowai, 12 Nailar:
Ki pulit ka East Jaintia Hills District ki la ioh kem haduh 9 tylli ki trok kit dewiong kiba pynkhein ia ka hukum ka NGT tang ha ki ar sngi- mynhynin ka meit bad mynta ka sngi.
Mynta ka sngi katba ka jingthung dieng ha phyllaw ka St. Anthony’s College ka dang iaid ki pulit ki la kem noh ia kawei ka trok damper, katba ka dang wan kit dewiong na par dewiong kaba don ha thain Byn dihati.
Hynnin ka sngi ki pulit ki la ioh kem haduh 8 tylli ki truck na Wapung skur bad na Kongong. Kitei ki trok kiba la shah kem ki kynthup ia ka trok ML05J6284 ba dei trai da u Hasar Dkhar bad ka trok ML04A- 5224 kaba dei trai da u Testlang Rymbai kaba niah da u Teibormi Lamare bad u Euringson Dkhar Kidei ki briew ki la shah kem ha ki pulit.
Ha katei ka juh ka sngi ha ka por 11:30 pm, Ki pulit ka Ladrymbai ki la kem sa 6 tylli ki trok kiba don ia u No. ML04A ba niah da u Shemlang Shylla, ML10-2977 ba niah da u Hamarbamut Nongtein na Moophlang, ML05D-8525 d ba niah da u Sinder Marboh na Puriang, ML10-2125 ba niah da u Jesonwell Marboh na Puriang, ML04 9642 ba niah da u Sliangmon Phawa na Wapungskur bad ka ML04A-4417 ba niah da u Harland Dkhar. Ia kitei ki trok bad ki driver la kem na Kong-ong.