Shillong: Ka Hynniewtrep Youth Council Upper Shillong Circle mynta ka sngi ha ka por kumba 1:30 baje nohphai sngi ka la ioh ban kem ia ki 3 ngut ki bar jylla ha 3mer Upper Shillong kiba dang iaid lynti ha ryngkat ki jaiñ ki nep bad ki blanket ba ki rah ha kti.
Ha ka jingtohkit, ki la iathuh ba ki dei ki nongbylla jong ka Dhar Company Construction kiba trei ha Ranikor bad ka shnong trai jong ki kadei na Patna Bihar. Ki la iathuh ruh ba la wan buh iaki daka ka kali private Ambulance ban wan leh Checkup ha Civil hospital Shillong hadien ba uwei na kitei u don hapdeng ka jingshitom jyrhoh bad katkum ka jingsakhi na kawei ka slip ba u pyni la sngewthuh ba une u bar jylla ula dep ban thiah pang ruh ha Government Health Centre kaba ha Ranikor.
Katkum ka jingiathuh jong ki, ki la iathuh ba la phah iaki ban leit leh iaka medical test bapher bapher sha Civil Hospital Shillong bad ynda ki la poi ha Civil hospital pat ki iathuh ba ki doktor kila phah noh iaki ba kin wanmih lashai ka sngi bad dei halor kane ki thmu ban leit phai ban leit sah shuwa sha kawei ka jaka trei kaba dei hi jong ka Dhar company construction kaba don jingtrei ha Laitlyngkot da kaba ki la iaid kjat naduh na Civil haduh ba la shah bat noh haki dkhot ka Seng ha 3mer.
Ka seng haba ka la kylli ruh iaki la ki don ne em ka labour licence, ki ong kim don bad k ka Seng ka la pyntip noh sha ki bor pulit ka Jhalupara Outpost bad ia kine ka tnad pulit ki la iathuh ba kin sa leit rah ia ki sha Civil hospital.
Kat kum ka kyrwoh na U General Secretary ka HYC Upper Shillong Circle u Bah Francis Gee Mawlong, la pynpaw ka jingsngew lyngngoh kaba khraw ba kumno kine ki bar jylla ki ioh ban iaid laitluid, wat hapdeng kane ka jingialang shnong (lockdown).
Ka Seng ka sngewlyngnoh ruh ba lada ka dei shisha, kumno kita ki doktor jong ka Civil Hospital Shillong kin shim sting ban shu phah leitphai bad phah wan pat ia ki hadien khlem kano kano ka jingexamin ia kitei ki bar jylla kiba don ka jingshitom kaba buh jingma pat ia kiba bun balang.
Ha ba shitom ym long ban iaid