Ioh kem ka RBSU ia arngut ki nongdie kynja na Iomawroh

Shillong: Ka Ribhoi Student Union mynta mynstep, ha ka por kumba 1:00 baje eiei ki la ioh kem ia ar ngut ki nong die kynja na Iomawroh kaba ka khappud jong ka Assam bad Meghalaya.

Kine ar ngut ki ba la shah kem ki dei U Dingborlin L.Nonglait 38 snem ka rta bad u Albert Sangma 25 snem ka rta. Kine baroh arngut ki dei ki ba na ka shnong Nongkhlaw West Khasi Hills District.

Katba ia u wei pat u ba dei u nongniah jong ka kali kaba dei ka taxi kamai kaba don ia u number ML 06 9204, u la ioh phet noh na ka ne ka jaka.
Na ka liang ka BBSU ki la aiti noh ia kine arngut sha ki pulit jong ka Patharkhmah Police Out Post Ribhoi District.