Shillong: Mynta ka sngi ha ka por kumba 5 baje ei ei mynstep ki nongshong shnong jong ka dong Nongshiliang ki la ioh kem ia uwei u briew u ba la prong jubor ha kawei ka iing bad ka la don ka jingkynnoh ruh ba u la ktah kti ia ka trai ïing kaba dei ka kynthei briew.
Ha kane ka jingiohbat ia une u briew kala don ka jingshoh jingdat na ki paidbah kiba la bitar shla ïa kane ka jingleh jong une u riewsniew bad la the ruh ia u ha u nar ba un lait ban phet bad ha ka juh ka por la pyntip sha ki pulit.
Mar ia ioh ia kane ka jingtip na ka liang jong ki pulit ka Nongthymmai kila leit sha katei ka jaka bad kila shimti ia u na ka kti jong ki paidbah bad la registar mukotduma pyrshah ia utei u runar.
U Superintendent of Police jong ka Shillong City, u Bah Vivek Syiem u la iathuh “Ka dei ka jingshisha ba ka shnong Nongshiliang ka la ioh bat ia utei u briew u ba la tip kyrteng kum u Derik Dkhar bad u la prong tuh ha kawei ka iing bad na ka liang jong ki pulit kila kem ia u bad registar mukotduma pyrshah ia u bad hs kajuh ka por la lap ba u la rah lng bd ka wait.”
Na ka liang jong u SP ka Shillong City u la ai khublei ia ka shnong kaba la ioh ban bat ia ki nongleh kam runar, hynrei ha ka juh ka por u la kyntu ruh ym tang ia katei ka shnong, hynrei ia baroh ba kin nym shim ia ka ain ha ka kti namar lada don kano kano ka jingjia ka jingeh kan poi sha ka shnong.
Ha ka juh ka por na ka liang jong u SP u la kyntu ba ym dei ruh ban pynsaphriang ia ki video bad ki dur kiba la ring ha kum kine ki jingjia, ha ka juh ka por la ban jur biang ba ki shnong ki thaw haba ki ioh ban bat ia ki nongleh kam sniew kim dei ban shah ban shim ia ka ain ha kti ki dei ban pyntip mar mar sha ki pulit haba don kino kino jingjia.
Ka police department kadei ban register case ruh namar ba u suba nongtuh u la shah pynsaw ha ki briew ba kem ia u bad dei ban tohkit balei ki slem ban pyntip pulit,bad nangno ki iohbor ban shoh pynmynsaw ia u haba ka ain hi ka ong ba ngim lah ban bat iaka ain hakti mamar ki don ki nongbat ain,