Ioh kem 13 tylli ki trok dewiong, na Sepikol ha North Garo Hills

Shilong: Wat la ka sorkar ka la khang pyrshah ia kane ka jingkit dewiong beain, hynrei ki riew shim kabu ki dang ia kit bad ialeh pyrshah ia ka jingkhang jong ka sorkar, na ka liang jong ki pulit kiba don ha katei ka jaka ki la kem ia kine ki trok.

Mynta ka sngi ki pulit kiba ap duty ha Sepikol, ki la ioh ban kem ia ki 13 tylli ki trok Assam ki ba iaid bad ha ba ki la bat ia kine ki trok la shem ba kine baroh ki dei kiba kit dewiong.

Ka jingioh kem ia kine ki trok kit dewiong ka long ha jan Tapa Darengchi ha surok na Songsak ban leit sha Mendipathar, ia kine ki kali baroh la register ejahar hapoh Resubelpara Police Station.

Katkum ka khubor na ki pulit ki iathuh ba kine ki trok kit dewiong kiba la ioh ban kem mynta ka sngi baroh ki dei na ka jylla Assam, ka jingkem ia ki trok ka hap hapoh jong ka North Garo Hills District