Shillong:Ha ka jinglehkai kaba mynnin ka sngi jong ka Men’s U-25 State A Tro phy, ka Meghalaya ka la pynkut noh ia ka jing ialeh kaba khatduh jong ka da ka jingjop da 41 run pyrshah ia ka Mizoram ha ka Plate Group ba lah ialeh ha Guwahati.
Ka Meghalaya kaba lah ioh ia ka lad ban jied ban tied bol shuwa ka la lah ban kamai haduh 222 run da ka jingkhyllem lut jong baroh ki wicket ha ki 49.4 over. Kiba la lehkai bha na ka liang ka Meghalaya ki long u Arien B Sangma uba lah ioh 53 run na ki 55 tylli ki bol bad u la ioh thlieh 10 tylli ki four, kumjuh ruh u Roberth Sangma u ioh 52 run na ki 73 bol bad u ioh thlieh 8 tylli ki four.
Ha kaba sdang la ialam ia ki nongtied ka Meghalaya da u Arien B Sangma bad u Biprodeep Dasgupta uba la ioh 18 run bad kine ki shijur ki la ia neh paralok haduh 72 run ha shuwa ba u wicket uba nyngkong un shah weng noh na ka pali tied jong ka kynhun. Hadien kane u Ibitlang Thabah u la lah ban iarap katto katne run sha ka kynhun kaba da 14 run, ha shuwa ba u Abhi shek Kumar bad u Adarsh Joshi ki la ioh mar 25 run da kaba thlieh da ka six.
Ha ka pali tied jong ka Mizoram, ka la sdang da ka jingianeh paralok kaba 77 run, hyn rei la dkhat noh ia kane da u Joshi uba la lah ban pynkhyllem haduh san ngut ki wicket da 42 run ha ki 10 over. Nalor jong u, u Dasgupta u ioh 2/26, katba kiba la ioh mar iwei i wicket ki long u Mukesh Kumar Ray (1/25) bad u Agreas Chamcham u ioh (1/38). Hadien ka jingioh lehkai kaba hynriew tylli ki match, ka Meghalaya ka la lah ban poi ha ka kyr dan kaba 4 na ki 7 tylli ki Team hapoh ka table da ka jingioh jop ha ki 3 tylli ki match bad ka jingshah rem ha ki match kiba sah
Phi don ban ong eiei?