Shillong: Ka Kong Agnes Kharshiing, ka nongtrei sengbhalang, ka la ioh khusnam ia ka International Hrant Dink Award kaba la pynlong ha ka sien kaba khadwei.
La aiti ia katei ka khusnam ha ka Sngi U Blei, ha ka jingialang, ba la pynlong ha Istanbul Lütfi Kırdar International Convention and Exhibition Centre.
Ka khusnam jong une u snem, ka dei kaba la ai kyrteng Nebahat Akkoç, kaba dei ia kito ki kynthei kiba trei halor ka longbriew manbriew bad kiba khanglad ia ka jingleh thombor jong ki hynrang bad kumta la jied ia ka kong Agnes Kharshiing kaba na Shillong, kaba iada ia ka hok jong ki briew kiba duk, ki kynthei bad kiba shah lehbein halor ka hok jongki, ha ka jingiada ia ka mariang.
Ka kong Kharshiing, ka ioh ia katei ka khusnam na ka dkhot jong katei ka komiti, ka Emma Sinclair-Webb bad nangta na U Murat Celikkan, uba dei u nongioh ia ka khusnam International Hrant Dink Award ha u snem 2018.
Ha ka jingkren jongka, ka kong Kharshiing, ka ong “Ki paidbah ki dei ban kren bad ki dei ban iarap ia kito kiba donkam jingiarap bad haba ki shah khanglad ha ka longbriew manbriew jongki bad ba kan nym don ka jingleh niew bein ha ka jingim briew”.
Ha katei ka jingleit la synran ia ka kong Agnes, da ka Ms Clair Kharshiing, ka khun kynthei jongka, U Bah John F Kharshiing, u para jongka bad ka para kynsi jongka kaba ha Istanbul, ha katei ka jingleit ha ka 15tarik Nailur 2019.
Ym bit ban pynlong jingialang ha ka sngi u Blei….kyntieñ “Sngi u Blei” ngi dei ban sngewthuh..