Ioh jingpyntbit nonghikai skul Primary, ha Wahiajer

Shillong, 28 Risaw:
Ka Teacher Organisational Programme Cum Seminar (TOD) jong ka AMPSTA kaba la sdang naduh ka 23 tarik bad la kut noh myn ha ka 25 tarik. Ia kane ka seminar la pynlong ha Wahkajer RCLP School Jaintia Hills District.
Kane ka TOD seminar kadei ka projek kaba ai training ia ki nonghikai skul Primary kiba long ki dkhot jong ka AMPSTA.
Ia kane ka projek la bei pisa da ka Lararforbundet Education International lyngba ka All India Primary Federation (AIPTF) bad ba yn pyntreikam ia ka da ka AMPSTA.
Ia kane ka projek mynta u snem la lah ban pyndep ar tylli ha Tura, kawei ka TOD ha Tura, kawe ha Nongstoin bad kawei ha Wahiajer.
Ia kane ka seminar Wahkajer lapynkut ha ka 25 tarik da ka jingiadon ryngkat jong u MDC ka Ummulong ma Laitsing Shylla kum u kongsan bad u Ma Kmenlang Shylla Rangbah Shnong ka Wahkajer kum u Symbud kongsan.
Ha kane ka sngi u kongsan u la pynpaw ka jingkmen ba u la lah ban don ryngkat ha kane ka sngi ba u la lah ban iohi da la ki jong ki khmat ia ka jingtrei kam ba shisha jong ka AMPSTA.
U la kyrkhu kyrdoh ba kane ka seng kan nang iaid shaphrang ban trei na ka bynta ka jingbit jingbiang jong ki nonghikai skul Primary ha ka jylla baroh kawei.
Ha kane ka sngi ruh la sam ia ki TA bad ia ki syrnod sha baroh ki nongiashim bynta da u Kongsan bad Symbud kongsan.