U Arun Jaitley, myntri pla pisa ka sorkar India, u don ka jingpang khyllai bad kiwei de ki jingpang. U Jaitley ha ki khyndiat sngi ba ladep, um shym la leit ban bam smai ialade, hadien ba ula jop kum U MP thymmai sha Rajya Sabbha, ha kaba ula shah jied na Uttar Pradesh bad mynta, um shym leit trei satia naduh ka Lah Sngi U Blei.
Mynta ka sngi, U Jaitley (65), u thoh ha ka peij twitter jongu, ha kaba u iathuh ba u trei kam mynta ka iing, namar ba u don ha ka jingshah sumar bad ia ka rukom sumar kaba dang sah, un sa ioh jingtip na ki doktor kiba sumar ia u.
U Jaitley, u shah sumar ialade ha ka All India Institute of Medical Sciences (AIIMS), na bynta katei ka jingpang khyllah bad la iathuh ba ki doktor jong ka AIIMS, ki ju leit sha ka jaka sah jong U Jaitley, na ka bynta ban ai jingsumar ia u.