Ioh jingpang iabit corona, sa ka Aishwarya bad ka Aaradhya Bachchan

U khlur ki phlim Bollywood, U Amitabh Bachchan bad u khun jongu, U Abhishek, ki don ha ka jingshah sumar ha Nanavati hospital, naduh hynnin ka sngi, tangba kim da don eh, ha ka jing shitom jur, ong ki bor pyniaid hospital. Ar tylli ki iing jong kitei ki khlur ak phlim, la khang noh sbak naduh mynta ka sngi, kiba kyrteng Jalsa bad Janak.

Katba U Amitabh bad U Abhishek, ki dang shah sumar ialade ha Nanavati Hospital, mynta ka sngi, la ioh khubor ba ka tnga U Abhishek, ka Aishwarya Rai bad ka khun kynthei jongu, ka Aaradhya Bachchan, ki la ioh ia katei ka jingpang khlam coronavirus.

Lait na kitei ki arngut, la iathuh ba ka Jaya Bachchan, ka long U Amitabh, U Agastya Nanda, ka Navya Naveli Nanda bad ka Shweta Nanda, kim ioh satia ia katei ka jingpang.