|
Shillong: Ka NeuroGen Brain and Spine Institute, kaba don ha ka sor bah Mumbai kaba long kawei na ki jaka sumar bapawkhmat ha ka ri India ha kaba iadei bad ka jingpang ha ki shyieng (Stem Cell Therapy) kaba don ruh ia ka Rehabilitation Centre, ka la wanrah biang sa shisien pat ia ka jingkyrmen sha kawei ka longiing kaba mad ia ka jingsngewsih ban iohi ba u khun uba dang rit u la ioh ia ka jingpang jingpang ha ki shyieng (Muscular Dystrophy).
Ka NeuroGen BSI ka ai jingsumar ruh lyngba ka Stem Cell Therapy kum ha ka jingpang Autism, Cerebral Palsy, Mental Retardation, Brain Stroke, Muscular Dystrophy, Spinal Cord Injury, Head Injury, Cerebellar Ataxia, Dementia, Motor Meuron Disease, Multiple Sclerosis bad ka jingpang Meuropsychiatric. Haduh mynta, kane ka shlem ai jingsumar ka la lah ban pynkoit palat 8000 hajar ngut ki nongpang na ki 60 tylli ki ri.
 Ki nongpyniaid jong ka NeuroGen BSI ha ka jingiakynduh bad ki nongthoh khubor ha nongbah Shillong ki la iathuh ba ki kwah ban pynsaphriang sha ki paidbah nongshong shnong ka Jylla Meghalaya ia ka khubor kaba bha ba ia kitei ki jingpang la lah ban sumar da kaba suk.
“Ngi la wan iakynduh ruh ia u Myntri Rangbah, u Conrad K Sangma bad ia u Secretary ka tnat ka Koit Khiah ka Sorkar Jylla, u Pravin Bakshi na ka bynta ban pan jingbit ban pynlong ia ka Medical Camp ha kane ka nongbah Shillong khnang ba ki longiing kiba duk kin ym donkam satia ban leit shah sumar shaduh Mumbai,” ong ka Head Surgical Services jong ka Neurogen Brain & Spine Institute ka Dr. Risha Bansod ha ka jingiakynduh bad ki lad pathai khubor mynta ka sngi palei ha nongbah Shillong.
Ka Dr. Bansod ka la iathuh ba dei ka NeuroGen BSI ka jaka sumar ia kine ki jait jingpang ha ka pyrthei baroh kawei.
Ka kynhun ki nongthoh khubor ha ka jingiakren bad i Kong Ivoreen Nongbet, i la iathuh ba u khun jong i, u Ethan Nongbet u dei uba la ioh jingkoit lyngba ka jingshah sumar ha ka NeuroGen BSI, kaba don ha Mumbai.
Ia u heprit Ethan la kha kum u khyllung uba koit ba khiah hynrei ynda la kynjoh ia ka rta kaba 7 bnai u la ioh ia ka jingpang Pneumonia. Naduh kane ka khyllipmat une u khyllung u la shem jingeh ban ring bad pynhiar mynsiem ha kaba ki kmie ki kpa ki hap ban leit rah sha hospital ar sien shi snem tad haduh ban da kynjoh ia ka rta kaba 4 snem.
Lai snem kynthih, i heprit Ethan u la sdang ban ioh kem ia ka jingpang kaba ktah ia ka met baroh kawei. Ha ka rta kaba 7 snem u la shem jingeh wat ban iaid bad ka jingkhia ruh ka la nang hiar arsut. Hadien ba la leh ia ka CPK test la pynthikna ba une u heprit u la ioh ia ka jingpang ha ki shyieng (Muscular Dystrophy) naduh u Nailar, 2018. Hadien ba la pyndep ia ki Test baroh, la pynthikna ba i heprit Ethan i ioh ia ka jingpang, Duchenne Muscular Dystrophy.
Ki doctor ki la bthah ia i Kong Ivoreen ban sumar lyngba ka Stem Cell Therapy bad lyngba ka jingpeit ia ki video lyngba ha YouTube, I Kong Ivoreen i la pyntip sha ka NeuroGen BSI ban leh ia kane ka jingsumar na ka bynta u khun jong I da kaba pyntip ruh ia ki kaiphod na ki jingleh Test ba ladep leh ia u khun.
Ia u heprit Ethan la rah sha NeuroGen BSI ha u Naiwieng 2018 bad leh ia ka jingsumar NRRT (Neuro Regenerative Rehabilitation Therapy). Dei lyngba kane ka jingsumar, u heprit Ethan u la lah ban ioh jingkoit suki pa suki lyngba ka jingsumar bad ka jingiarap da ki Physiotherapist, Occupational Therapist, Psychological Councilors bad kiwei kiwei.
Ka NeuroGen Brain and Spine Institute kan sa pynlong ia ka Medical Camp bad ka OPD Consultation Camp ha ka 28 tarik mynta u bnai ha sorbah Guwahati, Assam na ka bynta ki nongpang kiba shong basah ha ka thaiñ Shatei Lammihngi jong ka ri India. Kane ka camp kan iarap ia ki nongpang ha ka jingpang budlum, jingpang ha ki shyieng, ka jingpang khlieh, ka jingpang jabieng, bad kiwei kiwei. Namarba ka long kaba eh ba ki nongpang kin leit shaduh Mumbai na ka jingjngai ka leit ka wan, namarkata, ki nongpang ki lah ban ban wan sha kane ka Camp da kaba phone ha u nomba Mona 09920200400 / Pushkala 09821529653.
|
Phi don ban ong eiei?