Ioh jamin u samla ba siat ia ka kmie

Shillong, 4 Nailur:
Uwei u khynnah samla uba la tip kyrteng kum u Jovian Kyndiah uba la siat iap ia la ka kmie ha ingsah jong ki ha Ooltewah, USA ha ka 6 tarik u bnai ba la dep,mynta u la ioh jamin . La shim ba katei ka jingsiat jong u ia ka kmie kam dei ka jingleh khnang, hynrei kaba shu jia aksiden. Ia katei ka kam kaba ia dei bad ka jingiap ka kmie jong u ym pat shym la pynngat kyndon namar ba ka jingtohkit ka dang iaid, hynrei la pynngat kyndon ia u halor ki saw tylli ki kes kiba ia dei bad ka jingialeh jong u ia ki SWAT ha ka por ba ki mut ban rung hapoh katei ka ing.
Unongiasaid aiñ jong u –u Attorney Bryan Hoss u la ong ba utei u samla u dang pynkhreh ban leit rah ia ka suloi sha ing jong ki bahaing jong u namarba ka la don ka jingshah prong tuh ha ka ing jong ki shuwa katei ka miet, hynrei katei ka suloi ka la bthei kynsan sha ka kmie jong u.
Hadien katei u la ong ba utei u samla u la khyniu hbad um tip shuh kumno ban leh haduh ba u siat sha ki 4 ngut ki pulit kiba mut ban rung hapoh ka ing jong u bad katei ka jingsiat jong u ruh dei ka jingsiat kulmar.
La pyllaiy jamin ia u ryngkat ka jingteh jamin kaba $800,000, la ong ba ha ka jingtian bishar ki la don kumba 40 ngut eiei kiba kyrshan ia utei u samla bad katei ka dei ka bym ju jia koit bad kitei ki 40 ngut ki kynthup ia ka kmie san jong u,u samla ka kmie jong u naba u kpa jong u u la iap la shisnem shiteng mynta, ki nonghikai jong ka Ooltewah High School, ka skul kaba u la pule.