Shillong,18 Jylliew:
Hadien ba la jan dap shibnai ba ka shnong Kongthong,Kharar shnong ka la shong dum namar ka jingduh jong u Transformer, mynta ka sngi ka tnad MeECL ka la lah ban pynioh ding biang ia katei ka shnong ha kaba la wan ban bujli da uwei pat u Transformer uba thymmai.
U Rangbah Shnong ka Kongthong u bah Cominghome Pohnong u la pynpaw ka jingsngew nguh ia ka jingleh shitom jong katei ka tnad ba peit ia ka bording, ban pynioh ding biang ha katei ka shnong khamtam ha kum kane ka por ba ki paidbah ki dang ia shongshit bha ka peit World Cup.U Rangbah shnong u la iathuh ba katei ka shnong kam ioh ding naduh ka 25 tarik u bnai ba la dep hynrei naduh mynta ka sngi ka shnog ka ioh biang ia ka bording.
U la ong ba ha kine ki sngi khamtam shisngi ar sngi shuwa ban sdang ka jingialehkai World Cup , ka la don ka jingkhnium na ki paidbah katei ka shnong namar ka jingbym don ding namarba ioh ba kin duh peit World Cup, hynrei u la iathuh ba ha ka sngi bas dang World Cup u MLA jong ki uba dei u MLA ka Sohra u bah Titos Chyne u la ai da kawei ka Generator ba ki paidbah katei ka shnong kin ioh peit World Cup. Lyngba katei ka Generator ki la ioh ban peit naduh basdang ka World Cup haduh mynta ka sngi ba ki la ioh biang ia ka bording.
Phi don ban ong eiei?