Ioh CPF ki nonghikai LP bym dei sorkar

Shillong, 25 Rymphang:
Ka sorkar jylla ka la pynkhreh ban mang pisa noh ban ai Contributory Provident Fund (CPF) sha baroh ki nonghikai skul LP skul bym dei sorkar ha ka jylla.
Ka CPF ka dei kaba ju ai ka sorkar tang ia ki nonghikai deficit naduh kham mynshwa bad ha kane ka kynti, sa ki nong hikai LP kin sa ioh lem ia kane ka jingmyntoi, kaban long kum ka kynja baibam tymmen hadien ba la shong thait.
Ia kane ka CPF la pynkhreh ban pynrung noh ha ka mang tyngka jong mynta u snem 2016-17, ha kaba ka sorkar ka la pan ia baroh ki jing donkam jong kito ki nonghikai kiba dei ban ioh ia kane ka  jingmyntoi.
“Kane ka CPF kan treikam naduh u Lber ban wan jong mynta u snem”, la iathuh u Joint Secretary ka KJDSTA Babu Kular Khongjirem mynta ka sngi.
U la ong ba kito ki nonghikai ki bym pat ioh ia ka jingpynthikna, ki dei ban leh noh wut wut namar ba khlem ka jing pynthikna (confirmation)  kim lah satia ban aplai ia katei ka jingmyntoi.