Shillong: U myntri ba dei ban peit ia ka tnad ka koit ka khiah, u bah Alexander L Hek mynta ka sngi u la iathuh ba sa u wei u rangbah u ba sah ha Khanapara Ribhoi District u don ia ka jingpang Covid-19.
Ha ba iakren bad ki lad pathai khubor, u la iathuh ba une u rangbah u dei u ba trei ha Greenwood Resort Guwahati, hynrei u dei u ba shong ba sah ha Khanapara Meghalaya.
U la iathuh ruh ba ia une u briew la test positive ha Guwahati, hynrei namar ba u sah ha jylla Meghalaya kumta na ka liang ka tnad ka koit ka khiah ki la leh biang ia ka test ha kaba la lap ba u long Covid positive.
U ba Hek u la iathuh ruh ba ia ka jaka sah jong une u briew, yn shim kum ka containment zone bad ka jingwad ia ki briew ba ia jan bad une u briew ka dang iaid sha khmat.
Ki sample ki ba dang phah ban test ki long 19994,ki ba long negative ki long 19679, kiba dang ap result ki long 260, ki briew kiba don ka jingpang ki long 13 ngut bad 42 ngut ki ba la koit pura.
Phi don ban ong eiei?