Jowai: Saw ngut ki pulit ka Phramer Traffic Cell ki la hap ban shong kyrpang ban Quarantine ia lade tang namar ba ki la leit sha ba aksiden kali kaba jia mynhynnin ka step phyrngap ha ka por 5 baje mynstep Sngi U Blei, namar ba u driver ka trok ba aksiden u la ioh ia u Khniang Corona Covid19.
Katei ka trok kaba don ia u No. AS01MC 1671 bad ka Bolero Cramper kaba don ia u No. AS01LC5898 ki la ia tyngkhuh ha ka shnong Ialong Katba katei ka trok ka dang wan na Amrit Cement ban shallan Dewbilat.
La iathuh ba hadien ba katei ka jingjia aksiden ka la jia la pyntip sha ki pulit Phramer bad haba ki pulit ki la wan ki la iarap ban kit ia ki sha Jowai District Hospital kaba don ha Ialong. Kiba don haka tei ka Bolero ki la long Negative hadien ba la dep test ia ki katba u driver katei ka trok pat la lap ba u long Positive wat lada u long uba shait ba khlain khlem kino kino ki dak ki shin.
Phi don ban ong eiei?