Shillong: U Conrad Sangma, Myntri Rangbah ka jylla, mynta ka sngi u la pyntip lyngba ka twitter ba sa uwei u briew u ba dang shu wan phai na Maharashtra, u la ioh ia ka jingpang covid -19 (positive).
Haduh mynta ki briew kiba la ioh ia kane ka jingpang ha ka jylla ki long 34 ngut, 20 ngut ki dei ki ba dang don ia kane ka jingpang (Active cases),13 ngut ki ba la ioh ka jingkoit ba pura bad uwei uba la khlad noh na ka jingpang Covid-19.
U myntri Rangbah u la iathuh ruh ba une u briew u ba dang shu ioh ia ka jingpang Covid-19 bad mynta u don ha quarrantine centre ha East Khasi Hills.
Haduh hynnin ka sngi ki sample ba ladep ban phah test ki long 10343 ngut,kiba long Negative ki long 9980 tylli, ki result kiba dang ap ki long 330 tylli.
Ki briew ki ba iajan bad ki briew kiba don ka jingpang Covid-19 (High Risk) ki long 137,bad ki bym da iajan (Low Risk ) ki long 87 ngut.
Ka jylla haduh mynta ka don 2,09,216 ki PPEs, 6,30,000 ki 3 Ply Mask , 2,06,086 N95 Mask. Ki briew kiba la wan phai sha ka jylla haduh ka 6tarik u jylliew 2020, ki long 13,509.
Phi don ban ong eiei?