Shillong: Ka ophis jong ka Jirang Community bad Rural Development (J&RD) block hapoh Ri Bhoi District jong ka jylla Meghalaya la pynbna kum ka containment zone.
Ka rai ba la pynbna ia ka Jirang C&RD block hapoh Ri Bhoi district kum ka containment zone ka long hadien ba ki nongtrei jong katei ka ophis ki la ia bit ia ka jingpang Covid-19.
“Ki don ki nongtrei kiba trei ha Jirang C&RD block, Ri-Bhoi district ki la ia bit ia ka jingpang Covid-19,” la ong ka District Magistrate jong ka Ri Bhoi, ka Kong RM Kurbah.
Ka ophis jong ka Jirang C&RD block la pynbna kum ka containment zone kumba shitaiew kaba la sdang naduh ka 21 tarik u bnai Jylliew haduh ka 28 tarik u bnai Jylliew.
Hakajuh ka por ka District Magistrate jong ka Ri Bhoi ka la kyntu lada don mano mano ba wan mih sha ka ophis jong ka Jirang C&RD naduh ka 15 tarik u bnai Jylliew ba ki dei ban shong kyrpang ialade ha ki iing ki sem ki jong ki na ka bynta 10 sngi eiei.
Phi don ban ong eiei?