Ioh burom U Rangbah Shnong ka Mawlait, na ka kam pynkhuid Shnong

Shillong: U Bah Medarius Langrin, uba dei U Rangbah Shnong jong ka Shnong, Mawlait na West Khasi Hills District, ula ioh ia ka khusnam, na ka sorkar India, halor ka jingshim khia jongu, na ka bynta ka khuid ka suba kaba dei ka skhim kaba ka sorkar India, ka shim khia bha ha kine ki sngi.

Ka jingjop jongu, kam dei pat ba u leit na ka bynta ban pynkhuid ia ka shnong ka thaw, hynrei ula shah jied, namar ba u dei uwei na ki nongdro uba tbit bha ban wan rah ia ka jingmut halor ka khuid ka suba ha shnong ha thaw.
U Bah Langrin, ula ioh ia katei ka khusnam mynta ka sngi ha New Delhi, kaba kyrteng ka National Award on Swatch Sunder Sauchalya.
Na ka liang ka FKJGP Maweit Circle, ka pynpaw ia ka jingsngew kmen kaba khraw halor ka jingshah jied jong utei U Rangbah Shnong bad ka phah ia ka jingai khublei kaba shi khung sha utei u rangbah.