Shillong: Ka Khasi Students’ Union ( KSU )Umiam Circle mynta ka sngi ka 11 tarik jymmang 2022 ka la ioh ban bat ia bun ngut ki bar jylla ki ba thmu ban wan trei khlm ki kot ki sla ki ba biang. Hadien ba ka seng ka la ioh jingtip ba mynnin ka miet, da ki spah ngut ki bar jylla kiba thmu ban wan trei ha karkhana MIDC Umiam. Ka seng ka leit ban khynra ia ki kot ki sla bad la shem ba bun ngut ki bar jylla ki bym biang ki kot ki sla.
Ha kane ka sngi ka jingleit khynra ia ki bar jylla la lamkhmat da u samla Stevenson Kharkrang president ka KSU Umiam circle samla Arwat Bareh Finance secretary Umiam Circle samla Bashem Kharnaior EC member Umiam circle bad ki dkhot jong ka Umiam circle. Ka seng hadien ba ka shem na ki por sha ki por ia ka jingleh baheh bad iuh roit kine ki bar jylla ka la ai da ka jingsneng ka ba tyngeh, kumta lyngba kane ka kyrwoh ka maham tyngeh ia kino kino ki briew kiba ba ju mlien lane thmu ban wanrah ia ki nongtrei bar jylla khlem ki kot ki sla kiba biang kat kum ki jingdonkam ka por, ka seng kan ym shong kli kti hynrei kan shim iaki sienjam kiba tyngeh bad ki nong wanlam iakitei ki bar kylla kin hap ban shim iaka jingkitkhlieh ha kaba khatduh.
Tang kawei Ka jingkyrpad sngewbha ynnai pynmih ha ki social media ia kine ki Jing trei bor bah Jong phi Kan khambha tharai ha Ka jingiohi Jong nga
Allka dei shisha…shu iohi beh,bat bar jylla katba ka population khasi bad dkhar lah long kumban ar Shah bun u dkhar ..Ym I don direction baroh ki sengbhlang ba lah bun ki agenda..