Shillong: Ka FKJGP Riwar bad ka KSU Border ka la ioh ban bat ia bun ngut ki dkhar kiba la wanrah da u kontraktor ban trei iaka kam kontrak ha shnong Pyrdiwah kaba hap ha thain Riwar mihngi, Pynursla. Kine ki dkhar kiba don kumba 10 ngut tam eiei ki dei kiba shu wanrah da u nongai bylla khlem don satia ki kot ki sla.
U nongialam ka FKJGP Riwar u bah Edenfield Khonglam, u la pyntip ba kine ki ar seng kynthup u president ka KSU Border unit u Bah Thawthymmai Suting, ki la hiar sha katei ka jaka hadien ba la ioh jingtip ba ki don ki dkhar kiba shu wan trei ha kawei ka kam jong u kontraktor u Dibaron Khongbina bad hadien ba la jurip, kim don kot kim sla satia.
Namar ba kim don ki kot ki sla ban pynshisha, na ka liang ka seng ka la beh krad noh ia ki.