Ingkhong ki dukan ha Khanapara

Shillong, 4 Nailur:
Ar tylli ki dukan ki la ing khong khait, mynta ka miet sngi Balang ha Khanapara kaba don ha Khyndai Mer jong ka R-Bhoi district bad la suba ka daw ka dei na ka jing thut na ka bording.
Hynrei kane ka la wanrah ia ka jingsyier namar ba ka la jia shwa ka kynta pakhang surok miet ki sengbhalang. Ki pulit ka Ri Bhoi ki la kyntait ba la don bat hang ia kine ki dukan bad ki la suba ba ka dei ka jingthut na ka lain jong ka bording. Kine ki dukan kiba don ha iing jong ka kong Jeny Wahlang, ka don mar pyrshah ka CRP camp centre, Bariduwa jong ka surok bah NH 37.
Ki jain ki nep kiba dei jong uwei u bar jylla ba la tip kyrteng kum u Ashok Sarmah bad ka dukan shna mobile ka dei jong u Bipul Borah ki la ing khait ha kane ka jingjia.
La suba ba ka ding ka sdang na ka jain kaba pur pat sha kiwei ki dukan ba marjan. Hynrei ha kane ka jingjia, ym don ba mynsaw ei ei lait ka jingduh ki mar ki mata da ki lak tyngka.