Ingkhong khait ka trok kit jri ba kemding kynsan hapor ba ieng ha Jyntru

Nongpoh: Kawei ka Trok jri (Rubber) ka la ingkhong hi khait bad baroh ki jri kiba la kit hapoh katei ka Trok ki la ing lut bad kata ka la jia ha ka por ba u nongniah jong katei ka Trok u dang ieng pynjah thaid harud ka surokbah NH-6 bad kaba hapoh ka shnong Jyntru.

Katei ka jingjia ka la jia ha ka por 2 baje eiei nohphai sngi, ha kaba u nongniah ha ryngkat u nongbud, haba ki la pynieng ia katei ka Trok, ki la thiah pynjah thaid ialade bad ha kaba kum katei ka por, lehse na ka jingshit palat ka suinbneng, katei ka Trok ka la kemding kynsan bad kaba la ingkhong hi khait.

Ha katei ka jingjia, u nongbud jong katei ka trok kit jri u la kham mynsaw namar ka jingioh ban bam ki pliah ding, katba u nongniah u la mynsaw malu mala namar ha ka por ba Jia ka jing pluh ding kine ki ar ngut ki dang ioh thiah lyngngai.

Tang mar ia ioh jingtip halor katei ka jingjia, ki kali pynlip ding na Nongpoh, Umsning bad Umiam Fire and Emergency Services, ki la leit mar mar sha katei ka jaka, na bynta ban tem ia katei ka ding kaba dang klang bha hapoh katei ka Trok