Ingkhong ka ing ha Malki, julor da ki klur

Shillong,4jymmang: Ka ding kaba klang ka la bam duh ia kawei ka ing ha Pdeng shnong, Malki haduh ba ka la ingkhong khait baroh ki jingdon jingem, katei ka ingjia ka la jia ha ka por 10:30 baje mynmiet tang shiteng kynta hadien ba la kut ka kynta pynlip ding. Ha katei ka jingjia la iathuh ba baroh ki jinglut jingsep ka la kot sha ki klur tyngka. La suba jur ba ka daw ba ka dei ka ing ka la ing ka lah ban dei na ka jingthut ha ki bording ilektrik namarba ka la dei ruh ka ing kaba la rim bha.
Katkum ki lad khubor la iathuh ba la don kawei ka longkmie kaba la iohi ia katei ka jingjia bad ha kaba myn- nyngkong ka nangmut ba ka dei ba ki jingia thang niut , hynrei kham hadien ka la iohi ia ka ding kaba klang, bad hangta ka la pyrta briew ban iarap. Ki marjan marpa bad ki nongshong shnong ki jla pyrshang vkatba lah ban pynlip ia katei ka ding hynrei haba ki iohi ba kim i kot bor shuh ban ialeh ki la pyntip sha ki pulit pynlip ding.La iathuh ruh ba katei ka ding ka la neh haduh lai kyngta namar ka jingslem palat ka kali pynlipding ba jur palat ka dheng kali, ym shym la do ba mynsaw ha katei ka jingjia.
Shuh shuh la iathuh ba ha ka por ba ka ding ka dang klang bha ha ka jingpluh katei ka ing, ki la mih ruh ki jingsawa na ki sainar ilektrik, kaba la pynlong ia ka shnong ban pyntip sha ka tnad MeECL ba ka not ia ki bording ha katei ka shnong ioh ki mih kino kino ki jingjia.