Ing khong 7 tylli ki Ing ha Mawbah, ym don ba mynsaw

Shillong,8 Iaiong:
7 tylli ki ing ha Mawbah, ki la ing khong hadien ba ka ding kaba klang ka la bam duh, katei ka jingjia ka la jia mynta ka step ha ka por 11:30 baje ha Mawbah (Barapa thar). Ki pulit ki la iathuh ba ka jingpur ka ding ka la sdang na kawei ka ing dieng kaba dei ka ing u Sachin Thapa kaba don ha ka mala kaba-ar bad na katei ka ing ka la pur sha kiwei pat ki ing ba don syndah. La iathuh ba ka jing pur sted ka ding ha ki 7 tylli ki ing ka dei namarba kitei ki ing baroh ki dei ki ing dieng.
Ki pulit ki la iathuh ba ha katei ka jingjia ym shym la don ba mynsaw, namar ba ha ka por ba ka ding ka la klang ym don briew hapoh ing, hynrei ka la jingjulor pat kaba la bun kaba haduh mynta ym pat ioh jingkhein.
U SP ka East Khasi Hills u bah M Kharkrang u la ong ba ha katei ka jingjia ka kali pynlip ding ka la kloi noh ban poi sha katei ka jaka bad ka ding kam ioh lad shuh ban pur sha kiwei pat ki ing ba marjan. U la ong ruh ba ki pulit ki thaw da ka kynhun tohkit ba kyrpang halor katei ka jingjia ban lap la ka dei ka jingbakla ne ka dei ka jingthmu sniew jong no re jongno.