Ka Hynniewtrep Youth Council Sohra circle hadien ba la iohi ha ka kotkhubor kaba la mih mynnin ka sngi 26/7/2021 kaba ong ” yn shimti ki shipai Assam rifle ban pynjyrngam ia ka sohra baroh kawei ” kat kum ka jing kam U Amit Shah u myntri ki kam poh iing ka sorkar pdeng. Na ka liang ka HYC Sohra circle ngi pynpaw ba ngi ieng skhem ha ka Nongrim ba ngin nym ailad satia ia ki shipai Assam Rifle ban bsuh khlieh ha Sohra bad ngin nym ia peiñ ia ka khyndew ka shyiap jong ka Jaitbynriew namar ngi la iohi ia ka jingsyntuid noh ka khyndew ka shyiap ka Jaidbynriew ha ki ba bun ki jaka. Ngi tip shai ruh ba kane ka dei ba plan barieh jong ki khnang ban ioh bsuh khlieh ha Sohra bad suki suki kin sa kam trai wat ia ki jaka.
Ka seng ka la sakhi ruh ha Man ki jaka ba don ki shipai la ju mih ki huri hura wat shaduh ka jingia pyni bor Bad mynsaw kala wanrah ka jingeh ia ki Para Ri ki jong ngi kiba shong marjan ha kito jaka.
Kum ka seng kaba Peit ia ka bha ka miat Bad ka khia ka shon jong u paidbah kam kwah ban iai mih kum kitei ki jingkulmar hadien habud ba ki Trai RI Trai Muluk kin phet wir na la ka jong ka Ri.
Ka seng ka kyntu ia u syiem ka Hima sohra Bad sha baroh ki khlieh Nongsynshar shnong ba kin sngewbha ieng skhem ha ka Nongrim Ban nym lilam ia ka khyndew ka shyiap jong ka Jaidbynriew ha kino kino ki kynhun shipai.
Kane ka long katkum ka kyrwoh ba la phah da U Samla Kurbarity Sohtun
General neral secretary HYC Sohra Circle .
Phi don ban ong eiei?