Iehnoh kam u nongialam HNYF

Nongpoh,
27 Jymmang:
U vice president ka Hynñiewtrep National Youth Front (HNYF), Raid Bhoilasa Circle, u Bah W Syiem, u la iehnoh kam noh na katei ka kyrdan kum u nongialam katei ka seng naduh mynta ka sngi.
Haba pyntip ia kane sha u nongthoh khubor, u Bah W Syiem u la ong ba dei na ki daw ka jingbym ia sngew thuh jingmut hapdeng para nongialam ba ma u kum u nongialam u la angnud ban iehnoh noh ia katei ka shuki kum u vice president naduh mynta bad u la bynrap ruh ba na ka bynta kiwei ki kam ba sah un sa bteng pat ban trei khambha ha kiwei ki bynta na ka bynta ban shakri ia ka bha ka miat ha ka imlang sahlang.