Iehnoh kam u heh KSU na Jaiaw

Shillong,3 Naitung:
U samla Wankit Ryntathiang, uba dei ruh u Publicity Secretary ka KSU, Jaiaw Langsning Unit, mynta ka sngi u la weng noh ialade na ka jinglong dkhot hapoh ka Khasi Student Union. Ia ka shithi iehnoh kam u samla Wankit u la phah sha u President/Secretaryr ka KSU Central Body. Utei u samla u la kdew ia ki daw ba la pynlong ia u ban weng noh ia ka jinglong dkhot na ka KSU, kawei na ki daw ba utei u samla u la kdew ka dei namaba u la ong ba um sngew iahap bad ka jingiakhih ILP kaba la kylla mynta sha ka Modified ILP bad kawei pat ka daw ba u la kdew ka dei ba um don shuh ka jingshaniah ia ki nongia lam ba mynta ka kiba don hapoh ka Central Body.