Iehnoh kam u heh Congress ha Jirang

Nongpoh, 04 Nailar:
Kum uwei na ki nongialam ba hakhmat ka Party Congress, u Bah Sosthenes Sohtun, uba long kum u Vice President ka Congress ka Jirang Constituency, mynta ka sngi u la pynbna ba u la iehnoh ia la ka jinglong kum u nongialam ka Party Congress.
Ha kane ka jingiehnoh jong u Bah Sosthenes Sohtun, kum u nongialam ka Congress, u la phah ruh ia ka shithi iehnohkan sha u William Mynsong, President ka Jirang Block Congress Committee, na ka bynta ba un pdiang ia katei ka jingiehnoh kam jong u, namar u shem la don kano kano ka daw na ka party, hynrei dei tang na ka daw ba shimet ka jong u.
Kum ban shu pynkynmaw hangne ba u Bah Sosthenes Sohtun, u dei ruh uwei na ki riew rangbah uba la aireng ban long kum u nongmihkhmat na ka Jirang Constituency na ka party NPP, hynrei tang hadien katto katne por u la pyniasoh pat ialade sha ka Party Congress