Nongpoh: Mynhynnin ka sngi ka la don ka jingialang hadpeng ki nongialam ka Hills State Democratic Party (HSPDP) bad ki nongialam ka United Democratic Party (UDP) ha Umroi Constituency, ia kaba ki la pynlong ha Bhoirymbong bad lyngba jong katei ka sngi, kitei ki HSPDP bad UDP, ki la thaw da kawei ka kynhun bad kaba la tip kum ka Regional Democratic Alliance (RDA) ha Umroi Constituency.
Ki nongialam hapoh katei ka kynhun, ki kynthup ia u Bah PB Sylliang, General Secretary ka HSPDP ha Ri Bhoi, kum u Chairman ka kynhun, u Bah Peter Madur kum u Vice Chairman, nangta u Bah Ailong Pariat, u nongialam ka UDP ha Umroi kum u General Secretary ha katei ka kynhun, u Bah Pynskhem Sun kum u Organising secretary, u Bah Lumlang Lamarai lem bad 30 ngut ki riew rangbah kiba paw na katei ka thain.
Ka jingkren na kitei ki riew rangbah, kiba la thaw ia katei ka kynhun mynta ka sngi bad kaba sa jied ia u kyrtong ha Umroi Constituency, ki la pynpaw ba kat haduh mynta kim pat pynpaw ia ka kyrteng jong u ne ka kyrteng ki ban sa aireng na Umroi, hynrei ka jingkyrmen jong ki ka long ba ba un ne ka kyrtong kiba la jied da katei ka kynhun, ba kin poi beit sha ka thong jong ka jingjop ha kane ka ilekshon 2023 na Umroi Constituency.
Na ka daw u Lahkmen Rymbui ka party UDP kan duh jingshaniah ha khasi bad jaintia nangta kan sa jahnoh ha meghalaya..ka udp ka behkam ia ki nonghikai…kumno yn shaniah ha ka..u nongialam ruh uba matlah.