“Iathuh ia nga, balei u Dr. Mukul un leit phai sha ka Congress”

Shillong:U nongialam ka TMC u Dr. Mukul M Sangma ula ong ba ki paidbah kim dei ban mutdur shuh ba u Dr. Mukul M Sangma un leit phai biang sha ka Congress.
U Dr. Mukul ryngkat bad kiwei ki MLA, kila mih noh na ka Congress shwa ka elekshon MLA 2023 ban leit iasoh sha ka TMC.

Haba kren mynhynnin ka sngi, u Dr. Mukul ula ong, iathuh kaei ka daw ba u Dr. Mukul un leit phai biang sha ka Congress. U la ong ba ka jingialeh ka long ia ka bor sain pyrthei ha kane ka jylla bad ula ialeh pyrshah ia ka kynhun kaba pyniaid mynta ban iada ia ka jylla. Kane ka sorkar kaba mynta, kala klun lut ia ki kam ki jam ki paidbah ha jaka ban plie ia ki lad ki lynti.
Lada kylli na ki nongkhaïi baroh kin sa pynpaw ia ka jingbynniaw ia ka rukom treikam kane ka sorkar ha kaba ka noin ia kiba rit bad plie lad tang ia kiba heh spah.

U la ong ba ki ong ba un leit iasoh biang sha ka Congress, hato ka Congress kan iakhun ia kane ka jingleh ka sorkar, haba ka don lang bad ka NPP, ha ka KHADC. Ka Congress ha Meghalaya kam don lynti iaid hynrei ka shu thom lymmuh bad lada ka dei kaba tip ia ka lynti ban iaid, ka dei ban tip ban iatreilang ne em bad ka NPP hynrei habar ki shu kren katba hapoh ki iashong lang bad ka NPP. U la ong ba u Dr. Mukul u kwah ban pynkut ia kane ka jingmutdut jong ki paidbah ban leit phai sha ka Congress hynrei un iakhun ban shakri ia ki paidbah bad ka jylla.

“Ngan pynkut ia ka jingmut dur, iathuh ia nga, balei u Dr. Mukul un leit phai sha ka Congress”, la ong u Dr. Mukul.
Ula buh jingkylli hato donkam ban leit biang sha ka Congress, bad ula ong ba ula sdang ia ka kam sain pyrthei kum u MLA shimet bad um ju pyndem kumba long kiwei hynrei un ieng ha ka nongrim.