Iathoh shong kurim U Dwayne Johnson bad ka Lauren Hashian

U Dwayne Johnson, ula iathoh shong kurim don burom bad ka samla jongu, kaba ula ia shong la 12 snem kynthih.

U Johnson (47), uba dei uwei na ki nong ia lympat ha ki por ba mynshwa, ula pyndep ia ka jing ia poi kha ha ka Sngi U Blei ba ladep.

U Johnson, ula ia poi kha bad ka Lauren Hashian (34), kaba dei ka jong ki arngut ki khun kynthei jongu, ka Jasmine (4) bad ka Tiana (1). U Johnson, u don ruh ia ka thong ban ia khun ia ka shuki President jong ka Ri America.
U Johnson, u dei uwei na ki aktor kiba riew spah tam ha ki phlim hollywood, ha kaba u wan ba ar, hadien jong U George Clooney. Ki phlim U Johnson, ki la kamai pisa haduh 8.2 billion ha kylleng ka pyrthei bad la shim ba ki dei ki phlim kiba bun eh, ka jing kamai pisa haduh ha kine ki sngi.
U Dwayne, u iathuh ba u don ia ka thong jongu, ban leit rung sha White House bad ula kren teng kham mynshwa, ha u snem 2017, ba u don ia ka jingthmu ban iakhun ia ka shuki President jong ka Ri America.
Ia U Dwayne, la ju tip kum U Rock, ha kaba u dei uwei na ki nong ia lympat, uba satar bha bad uba la ju don kiba khot ieid ia u, kum u “People’s Champion”.